Gəncədə Hematoloji simpozium keçirildi

13 May 2023-cü il tarixində Azərbaycan Səhiyyə Nazirliyinin, İcbari Tibbi Sığorta üzrə Dövlət Agentliyinin, Tibbi Ərazi Bölmələrinin İdarəetmə Birliyinin dəstəyi, Milli Hematologiya və Transfuziologiya Mərkəzinin və Azərbaycan Hematoloji Mütəxəssislər İctimai Birliyinin təşkilatçılığı ilə Gəncə şəhərində Ümummilli Lider Heydər Əliyevin anadan olmasının 100 illiyinə həsr olunmuş Regional Hematologiya Simpoziumu keçirilib.

Simpoziumda Pasiyent Təşkilatları İttifaqının və Hemofiliyalı Xəstələrin Respublika Assosiasiyasının sədri Ayaz Hüseynov Simpoziumun rəsmi hissəsində çıxış etmişdir.

Ayaz Hüseynov çıxış zamanı dövlət səhiyyə qurumlarının, həkimlərin və pasiyent təşkilatlarının birgə əməkdaşlığının mahiyyəti haqqında bəhs etdi və regionlarda elmi konfransların silsilə şəklində keçirilməsini və həkimlərin davamlı təcrübə mübadiləsində olmaqlarının vacibliyini bildirdi.

Çıxışın sonunda dövlət səhiyyə qurumlarına və xüsusən Simpoziumun təşkatçılarına təşəkkür etdi və Simpoziumun gedişatına uğurlar arzu etmişdir.

Simpoziuma Gəncə və ətraf regionlardan 200 dən çox həkimlər və tibb bacıları iştirak etmişdir.

Daha sonra hematologiyanın aktual məsələlərini əhatə edən müxtəlif məruzələr dinlənilmiş və müzakirələr aparılmışdır.

Azərbaycan Respublikası Səhiyyə Nazirliyi
İcbari Tibbi Sığorta üzrə Dövlət Agentliyi
TƏBİB

#HeydərƏliyev100 #HeydərƏliyev #Səhiyyə #Sağlamlıq #Pasiyent #Hematologiya #TƏBİB #İcbariTibbiSığorta #HemofiliyaAzərbaycan #Hemofiliya #Pasiyentİttifaqı #MilliHematologiya #HematologiyaMütəxəssisləri