20.04.2023-cü il tarixində Füzuli Rayon Mərkəzi Xəstəxanasında yeni Fizioterapevtik və Reabilitasiya kabinetlərinin açılışı keçirildi.
Tibbi Ərazi Bölmələrini İdarəetmə Birliyinin (TƏBİB), Hemofiliyalı Xəstələrin Respublika Assosiasiyası, Novo Nordisk Hemofiliya Fondunun dəstəyi ilə TƏBİB-in tabeliyindəki Füzuli Rayon Mərkəzi Xəstəxanasında yeni Fizioterapevtik və Reabilitasiya kabinetlərinin açılışı olub.
Kabinetlər elektroterapiya və müalicəvi idman üçün avadanlıqlarla təmin edilib. Yeni kabinetlərin fəaliyyətə başlaması hemofiliya və digər qanın laxtalanma pozğunluğundan əziyyət çəkən vətəndaşların xəstəliyin verdiyi fəsadların aradan qaldırılmasına və müalicənin multidisiplinar yanaşmasına xidmət edəcək.
Açılışda TƏBİB-in icraçı direktorunun müşaviri Pərvin Əkbərov, Xüsusi profilli tibbi xidmətlərin təşkili şöbəsinin müdiri Vüsal Yusifov Füzuli, Rayon Mərkəzi Xəstəxanasının direktoru Elçin Qurbanov və müşahidəçi qismində Vətəndaş Cəmiyyətinin nümayəndəsi, "Yeni Həyat" Sosial və Humanitar dayaq ictimai birliyinin rəhbəri Nailə xanım İsmayılova iştirak etmişlər. Onlar vətəndaşların məmnunluğu üçün tibbi xidmətlərin əlçatanlığının artırılması istiqamətində görüləcək işlərin davam ediləcəyini bildiriblər.
Hemofiliyalı Xəstələrin Respublika Assosiasiyasının sədri Ayaz Hüseynov öz növbəsində Assosiasiyanın fəaliyyəti və dövlət səhiyyə qurumları ilə sıx əməkdaşlığın faydalı nəticələri haqqında məlumat vermişdir.
Sonda Füzuli Rayon Mərkəzi Xəstəxanasına yeni təhkim olunan Fizoterapevt/Kayropraktik Uzmanı Dr. Vüqar Aslanlı Füzulidə yaşayan hemofiliyalı pasiyentlerlə tanış olaraq onları müayinə edib.
#Səhiyyə #Sağlamlıq #Pasiyent #Hematologiya #Fizioterapiya #Hemofiliya #Koaqulopatiya #Reabilitasiya #Füzulu #Karabakh
