5 sentyabr 2018-ci il tarixdə Mrs. Denise Braendgaard və Mr. Shady Sedhom və Azərbaycan Respublikası Səhiyyə Nazirliyinin tibbi xidmətin təşkili söbəsinin müdir müavini Nabil Seyidovla görüş keçirildi. Görüşdə, bu sahədə regionlarda tibbi kadrların təkmilləşməsi, hemofiliyalı xəstələrin dərman preparatları – faktor konsentratları ilə təchizatı, fizioterapiya xidmətinin yaxşılaşmasına dair müzakirələr aparıldı. Nazirliyin nümayəndəsi tərəfindən qeyd edildi ki, son vaxtlar faktor konsentratlarının çatışmazlığı tələbatın çoxalması ilə əlaqədardır. Cərrahi əməliyyatlar , profilaktik müalicə üçün sərf olunan factor konsentratlarının azalmasına səbəb olmuşdur. Bu ilin təcrübəsinə əsaslanaraq, 2019 – cu ildə tələbatlar nəzərə alınacaq və xəstələrin həyat keyfiyyətinin yaxşılaşması üçün faktor konsentratlarının artırılması nəzərdə tutulmuşdur. Habelə, 2019-cu ildə elektron reseptlərlə dərman buraxılacaq və regionlarda yaşayan xəstələr dərman preparatlarını almaq üçün Regional Hemofiliya Mərkəzlərinə müraciət edə biləcəklər. Azərbaycan Respublikası Hemofiliya üzrə Dövlət Tədbirlər Planı çərçivəsində nəzərdə tutulan tədbirlərin reallaşması factor konsentratlarının yetərincə olmasından asılı olduğu vurğulanmışdır. Xəstələrin elektron reyestri Səhiyyə Nazirliyi tərəfindən dəqiqləşdirməklə, qanın laxtalanma Faktor konsentratları – dərman preparatlarının həcmi müəyyənləşdiriləcəyi bildirilmşdir.