Beynəlxalq Nadir Xəstəliklər Gününə aid silsilə tədbirlər davam edir.
01.03.2025-ci il tarixində Pirallahı Tibb Mərkəzinin təşkilatçılığı, TƏBİB-in və Pasiyent Təşkilatları İttifaqının dəstəyi ilə Zirə EKO parkda "Beynəlxalq Nadir Xəstəliklər" gününə həsr edilmiş seminar keçirildi.
Seminarda açılış nitqi ilə çıxış edən TƏBİB-in Təlim və tədqiqatlar departamentinin rəhbəri Teymur Mirzəbəyli ölkəmizdə nadir xəstəliklərdən əziyyət çəkən vətəndaşlara dövlət qayğısından danışdı.
Pasiyent Təşkilatları İttifaqının sədri Ayaz Hüseynov öz çıxışında pasiyentlərin keyfiyyətli müalicəsinin təşkilinin vacibliyini qeyd etmişdir.
Daha sonra müxtəlif nadir xəstəliklərin müayinə, müalicə və laborator diaqnostikası haqqında ixtisaslaşmış həkimlər -Gülay Qurbanzadə, Sevil Cəlilova, Nərgiz Yəhyəzadə, Sevinc Camıyeva, Orxan Nəcəfov çıxış ediblər.
Baş tutan tədbirdə 50-dən çox tibb işçisi iştirak etmişdir.
Seminarın sonunda Pirallahı Tibb Mərkəzinin direktoru Azər Zeynalov tədbirin əhəmiyyətindən vurğulayaraq seminar iştirakçılarına uğurlar arzu etmişdir.
#Səhiyyə #Sağlamlıq #Pasiyent #TƏBİB #nadirxəstəliklərgünü #PasiyentTəşkilatlarıiİttifaqı #PirallahıTibbMerkezi #İTS #PTİ
