Quba Rayon Mərkəzi Xəstəxanasında “Hemofiliyanın müalicəsinə dair multidisiplinar yanaşma” mövzusunda elmi seminar keçirilib

15.10.2025-ci il

Quba Rayon Mərkəzi Xəstəxanasında, TƏBİB-in və Hemofiliyalı Xəstələrin Assosiasiyası ilə birgə təşkilatçılığı ilə xəstəxananın tibb işçiləri üçün “Hemofiliyanın müalicəsinə dair multidisiplinar yanaşma” mövzusunda elmi seminar keçirilib.

Seminarın açılışında Quba Rayon Mərkəzi Xəstəxanasının direktor müavini Dr. Hikmət Fərəməzov keçirilən seminarın region üçün xüsusi əhəmiyyət kəsb etdiyini bildirərək seminarın gedişatına uğurlar arzu etdi.

Daha sonra Hemofiliyalı Xəstələrin Assosiasiyasının sədri Ayaz Hüseynov dövlət səhiyyə qurumları ilə birgə görülən işlər barədə ətraflı məlumat verib, gələcək seminarlarda və konfranslarda təcrübə mübadiləsi üçün tibb işçilərinin iştirakının vacibliyini vurğulayıb.
Seminarda Respublika Klinik Xəstəxanasının hematologiya şöbəsinin həkim hematoloqu Dr. Asya İsmayıl-zadə “Hemofiliyanın multidisiplinar müalicə modeli”, Respublika Klinik Xəstəxanasının Qan bankının müdiri, həkim hematoloq Dr. Şəbnəm Vəliyeva, “Hemofiliyanın müasir müalicəsi”, Yeni Klinika Tibb Müəsisəsinin hematalogiya və sümük iliyi nəqli mərkəzi, sümük iliyi transplantasiya şöbəsinin müdiri Dr. Sevil Cəlilova, " İdiopatik trombositopenik purpuraya müasir yanaşma və beynəlxalq rəhbərliklərdə müalicə " Tibbi Reabilitasiya Mərkəzinin baş həkimi, fizioterapevt Dr. Gülay Qurbanzadə “Hemofiliyanın müalicəsində fizioterapiyanın rolu” və Sumqayıt Hospital Xəstəxanasının baş tibb bacısı Mirvarid Siracova "Hemofiliyanın müalicəsində tibb bacısının rolu" mövzusunda çıxış etmişlər.

Seminar sual cavabla yekunlaşmışdır və həkimləri maraqlandıran suallar cavablandırılmışdır.

Daha sonra 27.12.2024-cü ildə Hemofiliyalı Xəstələrin Assosiasiyası tərəfindən fizioterapiya avadanlıqları ilə təchizatlanmış və TƏBİB-lə bərabər açılışı baş tutmuş Quba Rayon Mərkəzi Xəstəxananın fizioterapiya bölməsinə həkimlərlə bərabər baxış keçirildi. Tibbi Reabilitasiya Mərkəzinin baş həkimi Gülay Qurbanzadə tərəfindən fizioterapiya bölməsinin şəraiti yüksək qiymətləndirildi və həkimlər arasında təcrübə mübadiləsi aparıldı.

#Səhiyyə #Sağlamlıq #Pasiyent #Hemofiliya #Koaqulopatiya #Hematologiya